Um mig.

Ég rek Multa Bene Agere, sjálfstætt ráðgjafarfyrirtæki. Ég aðstoða lítil og meðalstór fyrirtæki við að koma skipulagi á reksturinn, einfaldara vinnulag, skýrari ábyrgð og fastmótaðar venjur sem auðvelda eftirfylgni.

Ég er einnig stofnandi þriggja vefvettvanga: www.saganmin.is, sem býður upp á persónulegar sagnaskráningar einstaklinga og fjölskyldna; www.barnasagan.is, þar sem foreldrar búa til persónulega barnasögubók um fyrstu ár barnsins; og www.kvedjur.is, þar sem vinir og fjölskylda koma saman til að skrásetja sameiginlegar minningar og kveðjur á einum stað.

Bakgrunnur minn liggur í fjármálum, rekstri og viðskiptaþróun, þar á meðal í stjórnunarstöðum á eftirlitsskyldum mörkuðum. Ég nýt mín best þar sem krafa er um nákvæmni, góða skjalagerð og eftirfylgni. Ég hef gaman af því að greina flöskuhálsa, skýra hlutverk og byggja upp einfalda strúktúra sem virka í daglegum rekstri.

Samhliða þessu tek ég að mér þýðingar og ritstýringu á viðskiptatextum á íslensku og ensku þar sem blæbrigði og nákvæmni skipta máli, allt frá vefefni yfir í innri skjöl og skýrslur.

Ég er staðsett á Íslandi en vinn með viðskiptavinum bæði hér heima og erlendis. Ég tek að mér afmörkuð verkefni eða veiti áframhaldandi stuðning eftir þörfum.